الخميس، 2 ديسمبر، 2010

إماراتي 39

بسم الله الرحمن الرحيم
...
كل عام والإمارات بخير وأمن وامان
....
من غلاتك ياوطن
نزلت حروفي مزون
شعر ونثر ومقالاتِ
أحس من غلاتك
تفجر داخلي بركان
ودي أصيح بعالي الصوت
أنا إماراتي
العالم يسأل وين ممكن
تلاقي أسطورة محبه
 وإتحاد وعون
في أرض بو سلطان
تتحقق كل الأحلام
 والطموحاتِ
شعب فتح ذراعه
وهَلا بالجميع
مرحبابكم يامن
يبحث عن السعد
 والمسراتِ
شعب توحد بأمر الله
وصارت بلادي
 رقم صعب
شعب يعشق أرضه
وما يهاب النايباتِ
حفظج الله يادار
بناها زايد بالهون
سقاها بهدي النبي
وصارت سبع داناتِ
رحمك الله يازايد
وحفظج الله يا دارِ
...............
هذي الصوره خذتها
 من كورنيش أبوظبي
لسارية العلم
وبالشارع الثاني وبالزوووم
يعني وحليلها أدري مب هاك الزود
بس تمشي حالها

 إهداء من أمي هالصوره
تقولي صوري وحطيها في المدونه
شوية توزيعات
 تصوير مياسه
وحركاتها في التوزيعات


...
راشد كل عام وانت بخير
يوم ميلاده يصادف يوم الإتحاد
....
في حفظ الله

هناك 35 تعليقًا:

ناعمة الهمس يقول...

الف مبروك

حكومة و شعبا

ومن الكويت الحبيبة اجمل تحية و احلى تبريكات
لاهلنا بالامارات

Dr Ibrahim يقول...

ربنا يحفظكم ويوفقكم

ღ♥ღّNaseemLibyaღ♥ღ يقول...

السلام عليكم
اللهم احفظ الامارات قيادة رشيدة وشعب طيب

كل سنة وكل الامارات سالمة وغانمة يارب

:) بالمناسبة عاوزين كيك :)

مرام يقول...

كل عام و أنتم بالف خير يارب

ومن تطور لتطور

Amwaj يقول...

كل عام والشعب الاماراتي بخير وصحة وعافية
وعسى الله يديم عليكم الأمن والأمان

ونحبكم يا شعب الإمارات :)

toota يقول...

سلآم ,

كل سنه وشعب الأمارات بالف خير ,

والحمدلله ع سلآمة العيله مؤخراً .

بس اعذرينا عندنا زكآم وسخونه زي حآلتك وأشد ,

ودي أحش على هرجة نوح بس أحس إني متكسله ,

وشكلي بهاجر عالم النت بعد البيبي :D
<< تخبرك أنهآ أشترت

سلآم ي قلبي

cutemum يقول...

الله يحفظ الامارات
اماراتي يا شيخه بين البلاديين
عروسةزينوها بوورد وقلايد
يحفظج ربي لنا يا بنت زاايد


والله يرحم ابوونا القاايد زاايد ويغمد روحه الجنه
وتسلميين اختي نههار على الكلماات الراائعه,,,وحلووة التوزيعاات^^

علي محـمــــــد يقول...

السلام عليكم
كيف الحال .. ؟
شوفي .. اول شي صورة العلم الاول تراها حلوه .. وهدية امك انا احترت فيها ؟! هي هديه لزوار المدونه والا هديه لبنتها بس ؟ ! :) عموما في الحالتين شكراً لها وسلمي عليها :) .
..............
نجي للمنافسه الان :) ^_*
ها ايش رايك ؟ بتفوزون اليوم علينا والا بتخلونا نفوز عليكم :) ؟
بالنسبه لي انا ماراح اخليكم تفوزون اليوم علينا .. خلاص انتو عندكم احتفال ببالاتحاد 39 وفرحانين هاليومين :) عسى الله يديم الفرح عليكم .. اتركولنا فرحة الفوز في الكوره :) اتفقنا ؟.
في امان الله

may يقول...

السلام عليكم ورحمة الله

امارتى 39 وعقبال العمر كله يا رب

من علو الى اعلى فى طاعة الله

مى

طرابلس

ليبيا

رورو الشخبوطه يقول...

كل عام والامارات متحده وبخير..

والله يحفظها لكم يارب..


وكل عام وراشد بخير..

وخوش توزيعات ماشاءالله ابي خخخ..

بالعافيه عليكم ..

النور القريب يقول...

السلام عليكم ورحمة الله وبركاته

كل عام والشعب الاماراتي الشقيق بخير
وصحة وعافية وعسى الله يديم عليكم
الأمن والأمان :)

علي محـمــــــد يقول...

إحم إحم ياساتر :)
طريق طريق :)
البنات بتغطون راح أدخل المدونه :)
..........

ألسلام عليكم
شفتي يا نهار ؟
شفتي إن كلامي طلع صح ؟
توها منتهيه المباراه :)
وفزنا عليكم :) والسلام عليكم :)
يالله ربنا يباركلكم في مباريات ثانيه :)
..........
أظن اني أكلم نفسي من الظهر لما علقت أول مره بس مو مشكله تشوفيها لما تدخلي المدونه ان شاء الله :)

في أمان الله

~أم حرّوبي~ يقول...

كل عااااااام وإماراتنا بخير

حلوه صورة العلم بالعكس ..تعطي احساس بالتطور مع الحركة حوالين العلم وإن العلم ثابت والإتحااد قوي <<خطيرة أنا وتحليلي صح :)

شخبااااااااااارج نهار عسج طيبة ^^

أضعت منظرتي يقول...

كل عام وبلدكم بخير

،،،

نهــــــــــار يقول...

ناعمة الهمــس ...
تسلموون يا اهل الكويت
وكل عام وخليجنا واحد
وإخوه تجمعنا عساها مديمه يارب..
..
في امان الله

نهــــــــــار يقول...

دكتور إبراهيم...
جزيت خيرا يا دكتور
وشكرا على مشاعرك الطيبه ..
في أمان الله

نهــــــــــار يقول...

نسيـــم ليبيـــا .....
وعليكم السلام ورحمة الله وبركاته..
تسلمييين يا احلى نسمه
والله يديم علينا وعليكم المحبه والسلام والأمان ..
ولو تكرمي نورينا في الإمارت وأحلى كيكه لأحلى نسمه
...
في حفظ الله غاليتي

نهــــــــــار يقول...

مــرام....
وإنتِ بخير وبلادج بخير يارب
وحياج الله في المدونه :)
..
في حفظ الله

نهــــــــــار يقول...

أمــــواج...
آمين يارب ..
ودام خليجنا في أمن وأمان ...
..
ونحن نحبكم يا اهلنا في الكويت :)
أسعدني وجودكم
وجزيتم خيرا على مشاعركم الطيبه مثلكم ..
..
في أمان لله

نهــــــــــار يقول...

تــــوتــــا ...
وعليكم السلام...
يا حياتي تسلميين يارب ..
والله يحفظج ويحفظ السعوديه
ويديم عليكم الأمن والأمان
..
وسلامات ما تشوفين شر
الله يعين هذا كله من سارا هي عدتكم :)
...
مبرووووك البي بي :)
وعقبال الآي باد :)
...
في حفظ الله

نهــــــــــار يقول...

كيوت مـــام...
تسلمييين يا كيوت مام
والله يحفظ بلادنا ويديم علينا الإتحاد يارب
ورحم الله أبونا زايد
..
ثانكس دير
..
في حفظ الله

نهــــــــــار يقول...

علي محمــد...
وعليكم السلام ورحمة الله وبركاته..
حياك الله أخوي علي
تسلم يا اخوي
والحمدلله طلعت الصوره مقبوله ..
والهديه من أمي لكل زوار المدونه
تفضل ولا تستحي
والله يسلمك يارب ..
..
ومباااارك الفوز بالمباراه
والحمدلله فرحتنا باليوم الوطني تكفينا ..
...
وإعذرني على تأخر الرد
وحياااك الله دوم أخوي
..
في امان الله

نهــــــــــار يقول...

مــي ...
وعليكم السلام ورحمة الله وبركاته...
آمين يارب وسائر بلاد المسلمين
وأدام الله علينا وعليكم الأمن والأمان
..
كل الشكر لكم إخوتنا في ليبيا
على المشاعر الطيبه مثلكم
..
في حفظ الله غاليتي

نهــــــــــار يقول...

رورو الشخبوطه...
هلا رورو..
آمين يارب
وحفظ الله الكويت من كل شر ..
...
وإنتِ بخير وصحه وسلامه
...الله يعافيج يارب
حياج :) تفضلي :)
..
في أمان الله

نهــــــــــار يقول...

النور القــريب ...
وعليكم السلام ورحمة الله وبركاته..
آمين يارب
جزيت خيرا على مشاعرك الطيبه
وحفظ الله بلاد المسلمين من كل مكروه
...
في حفظ الله

نهــــــــــار يقول...

أم حروبي ....
هلا أم حروبي
الحمدلله عالسلامه
نورت البلاد :)
...
الله يحفظ بلانا يارب ويديم علينا الإتحاد..
...
ماشاء الله عليج وعلى هالشرح الجميل :)
خلاص ما بقول شي عن الصوره عيبتني :)
...
نتريا علومج
..
في حفظ الله

نهــــــــــار يقول...

أضعت منظرتي ..
جزيت خيرا
وأدام الله علينا وعليكم الأمن والأمان يارب ..
ومرحبا بك في مدونتي
..
في حفظ الله

”*°•.˜”*°•..سونه..•°*”˜.•°*”˜ يقول...

السلام عليكم
بسم الله ارحمن ارحيم
ازيك يانهار عامله ايه
يارب تكونى بخير يارب
تسلمى على سؤالك يارب
والله سئالك عنى ده غالى عليه اوى
على راسى ياقمر

SCRIBBLE ..♥ يقول...

دامت الامـاراات و دام شعبهــا :)

Abd-alrhman يقول...

السلام عليكم ورحمه الله

اول شي يسعدني اكون متابع لمدونتج

ثاني شي
كل عام وكل امراتي وكل خليجي وكل عربي بخير وهم كل الوافدين *_^
والله يديم عليكم الخير في بلادكم الي هي بلادنا
وكلنا شعب واحد ربي يحفظ خليجنا يارب ^_^

كان ودي اكون هناك وحتفل وياكم بس الاقدار ما شائت >_<

وشكرا

سارة يقول...

السلام عليكم ورحمة الله وبركاته:
كل عام وإنتم بألف خير, وبلدكم من تقدم لآخر, وتعمّرونه بكل خير يارب,,
وتسلم الماما على هديتها, سلمي لي عليها ربي يحفظها من كل شر,,
وسلمي على بطوطة ومياسة كثيرا,,
المعذرة توتنا بلغتني على سؤالك, والله إنك دايم ع البال, لكن ضغط الأبحاث مو معطيني مجال أتواصل معاكِ, أتمنى ألقى مجال في إجازة الأسبوع لأتواصل معاكِ, لأن بجد لكِ وحشة قلب,,
تحياتي,,

نهــــــــــار يقول...

ســـونه
وعليكم السلام ورحمة الله وبركاته...ربنا يباركلي فيكِ يا قمر
الحمدلله أختي أنكِ بخير
ويكفيني أن تكوني بخير
بس طمنيني عليكِ دايما
..
في حفظ الله

نهــــــــــار يقول...

SCRIBBLE ..♥....
تسلمين يالغاليه
وحفظ الله خليجنا وإتحادنا من كل شر يارب ..
..
في حفظ الله

نهــــــــــار يقول...

عبد الرحمن .......
وعليكم السلام ورحمة الله وبركاته ...
أنا السعيده بمتابعتك لمدونتي أخوي
وحياك الله دوم
وان شاء الله يدوم تواصلنا على خير
...
تسلم يا اخوي
والله يحفظ بلاد المسلمين من كل شر ويديم علينا الأمن والأمان يارب
..
أكيد خليجنا واحد
وشعبنا واحد
واليوم في بوظبي تأكيد
لوحدتنا في قمة أبو ظبي
والله يحفظنا من كل شر يارب
ويديم وحدتنا ..
....
حياك الله دوم ودايم الإمارات بفرح وطني مستمر :)
...
تسلم على مرورك
في حفظ الله

نهــــــــــار يقول...

ســـاره ....
وعليكم السلام ورحمة الله وبركاته....
هلا وغلا بسارووووونتي ...
وإنتِ بخير وصحه وسلامه
والله يديم لينا وحدتنا ووحدتة خليجنا يارب ويحفظ سائر بلاد المسلمين
...
يا حيايتي الله يسلمج يارب وان شاء الله تبلغ سلاماتج
...
كان الله في عونج حبيبتي بس شده وتزووول وتيبين لنا شهادتنا الجماعيه:)
أن شاء الله الغاليه بنسق ونتكلم لصبح :)
..
في حفظ الله حبيبتي