الأربعاء، 24 نوفمبر، 2010

دكتور نوح

بسم الله الرحمن الرحيم
...
السلام عليكم ورحمة الله وبركاته
شخباركم عساكم بخير
...
الحمدلله الماما وبطوطه وصلوا بالسلامه وكنت بإستقبالهم
ومن بعدها عارفين اللويه
...
ماقصرت حرمة أخوي سارت ويايه أسلم
على الحجاج من جيران وأهل
وناسه :)
....
والآن الموضوع الأكثر أهميه
على الساحه
الإنفلونزا



 كل شخص يدخل أو يتصل
أيا كان موقعه
لابد من أن يقول
أنا مريض
كحه وزجام
..
طبعا بما أني
من بعد العيد الصغير إلى أواخر
ذي القعده وأنا عندي زكام ولله الحمد
قررت بعد أن عاودني المرض مجددا
من بعد عيد الأضحى
أني أزو رالدكتور
مراعاه لأهلي
وعشان محد يطردني من البيت :)
على اساس إني جرثومه عوده :)
.....
دكتور نــــوح
حد يعرفه
كل شخص عنده دكتور نوح
موجود في كل بلد
وللإيضاح الحوار التالي
طبعا دكتور نوح
هو الدكتور المشهور من ايام جدي
مجرد ما توصل عنده
أنا: دكتور زكام
يبدأ الفحص إلي عارفينه
وبعدها السؤال المشهور
لأي أنثى
الدكتور: بطن بيبي فيه
أنا: بإبتسامه مافي دكتور
الدكتور : إنجكشن
أنا : في خاطري أساسا ما ييتك إلا
عشان الإنجكشن السحريه
أوكيه دكتور
وبعدها ننتقل مع النيرس الجميله
التي قاربت على السبعين
لإنهاء الإجراءات والدفع
وعلى قولة أخوي
دام خذتي الإبره ماله داعي
الدواء :)
بس أنا عندي ولاء للصيدليه
فأعدي وآخذ العلاج
وإلى المنزل ونووم
.....
أظن لو حد ركز
في المدونه والتدوينات عن المرض
بيشرد وما بيرجع يدخل المدونه
مره ثانيه
....
في أمان الله

هناك 22 تعليقًا:

سارة يقول...

وعليكم السلام ورحمة الله وبركاته:
الحمدلله على سلامة الماما وبطوطة,وحج مقبول يارب,سلمي لي عل الماما وبطوطة, والعقبة لنا ولكل من يتمنى يارب,,
وألف سلامة عليك,أظن إن نفس الحالة أللي عندك عندي, الله يشفينا ويرفع عنا أجمعين D:
معذرة إيميلي السابق كان على نطاق w.cn والشركة المحترمة حضرت جميع نطاقات هالإيميل,وما أدري متى بيرجع!!
لذا أعذري عدم تواصلي من قبل العيد بــ3 أيام والإيميل محضور..
وحشتيني يا عسل,,

mese يقول...

وعليك السلام ورحمة الله وبركاتة..
الحمد الله على سلامة الوالدة وبطوطه..

وسلامات ما تشوفين شر, أجر وعافيه إن شاء الله..

الكل بعد العيد خذ من هالعيدية"إنفلونزا العيد" :>
وأنا وكل الصغار بالبيت نكحكح :/

ودي وإحترآمي الغاليه..

Amwaj يقول...

ما تشوفين شر يالغالية

وأجر وعافية إن شاء الله :)

أميرة عربية يقول...

ما تشوفين شر يالغالية المرض منتشر انا رجعت من الحج مريضة و البنات الي بالدوام نفس الحالة عاد انا اقولهم كله من فراقي ههههههههه

نـ(المطيري)ـازكـ يقول...

الف لا باس عليج .. اوصيج بالفكس هههههه

وحمدلله ع سلامة الاهل ^_^

رورو الشخبوطه يقول...

السلام ..

الحمدالله ع سلامتهم ..

وقرت عينج ..

وسلامات ماتشوفين شر يارب..

hamsatjnon يقول...

سلامااات :)
وكلو بأجره ,,, عيدك مبارك

نهــــــــــار يقول...

ســـاره...
هلا وغلا بسارونه ...
الله يسلمج حبيبتي ...
وان شاء الله يارب السنه اليايه جمييع في الحج ..
الله يسلمج ...ههه الظاهر عديتج من كثر ما أشتكيلج :)
...
حبيبتي قالتلي مياسه إن إيميلج فيه شي وما يشتغل بس تدريين من الحووووسه
وهالسوالف ما قدرت حتى أتصل فيج ..
أن شاء الله يعود لكِ سالما :)
...
وإنتِ واحشتني جدا وايد مره ..
..
في حفظ الله

نهــــــــــار يقول...

mese....
هلا وغلا مسمس...
الله يسلمج الغاليه..
..
الله يسلمج حبيبتي الشر ما ييج:)
..
الظاهر البلاد كلها مزجمه
أجر وعافيه وماتشوفون شر ..
...
في أمان الله غاليتي ..

نهــــــــــار يقول...

أمــــواج....
جزيتِ خيرا
الله يعافيج الغاليه ...
..
في أمان الله..

نهــــــــــار يقول...

أميرة عربية...
ماشا الله مبارك الحج وحج مبرور وذنب مغفور بإذن الله ..وعقبالي :)
وحياج الله في مدونتي :)
...
الشر ماييج الغاليه والله يعافيج يارب
كل حجاجنا بعد نفس الحاله
ههههه
صح من كثر ماتولهوا عليج مرضن :)
...
أسعدني مروركِ
في أمان الله

نهــــــــــار يقول...

نــــازك المطيري ...
الله يسلمج حبيبتي ...
ههههه منو قالج أنا أم الفكس طبي وتخيري
فكس سيلان فكس تايلند الفكس العادي الفكس بالحبه السوده كله موجود لا توصين حريص :)
..
في أمان الله الغاليه

نهــــــــــار يقول...

رورو الشخبوطه...
وعليكم السلام ...
هلا رورو ..
الله يسلمج الغاليه
...
الشر ماييج الغاليه ..
..
في حفظ الله

نهــــــــــار يقول...

همست جــنون ....
هلا هموسه
الله يسلمج عزيزتي ...
جزيتِ خيرا ..
وكل عام وإنتِ بخير وصحه وسلامه يارب
...
ومرحبابكِ دوما
في حفظ الله

Dr Ibrahim يقول...

لا ألف سلامة
كل عام وانتم بخير

norahaty يقول...

الف سلامـة
عليكى يانهار
والف حمدلله عــلى
سلامة الماما وبطوطة
جح مقبول وذنب مغفور
بأذن الله.خلى بالك من صحتك
وحاول تستريحى قدر الأمكان لو
هو فعلا فيرس أنفلونزا تبقى
الراحة أحسن علاج لها!

الغـــــدوف يقول...

ألف سلامات وما تشوفين شر
بإذن الله طهور وعافية
كيف صرتي ألحين ؟؟
انتي بس ارتاااااحي وكثري عصير برتقال وليمون وشوربة دجاج

ومبروك رجعت الأهل بالسلامة ....

موكأني سمعت طاري فكس ؟؟... أسوي حرب في البيت لو أحد حط منه بس والله مفيد والواحد يصحى الصبح زي الفل وخاصة لإلتهاب الصدر

طبعاً عندنا هالوجة في البيت هاأيام وبالدور علينا
الحمد لله دوري باقي للحين ما جا ههههه

كوني بصحة وعااافية يارب

نهــــــــــار يقول...

دكتور إبراهيــم...
الله يسلمك يا دكتور
وكل عام وأنت بصحه وسلامه يارب
في حفظ الله

نهــــــــــار يقول...

دكتوره نـــورا ...
الله يسلمك يا حبيبتي ..
جزيتِ خيرا ..
..
الحمدلله يا يا غاليه
بقيت أحسن وأكيد ده بدعائكم لي
في ظهر الغيب
جدا سعيده بتواصلك
ربنا يخليلكِ يارب
..
في امان الله

نهــــــــــار يقول...

الغــــدوف ....
الحمدلله يالغاليه أنا أحسن بكثيير ألحين
وهذا بفضل الله ومن ثم دعائكم
ربي يخليكم لي ويجمعنا وإياكم في الجنه
...
يا بنتي أقول لسارا أنا صرت ليمونه من كثر ما اشرب ليمووون :)
..
الله يسلمج الغاليه وعقبالنا سويا العام المقبل :)
...
لا عاد كله ولا الفكس ما أرضى عليه
أمي تقولي من عشرين سنه ما إستخدمت الفكس
وما إطييقه أماانا طالعه اعشق الفكس :)
شفتي بروحج قلتي يريح جدا والواحد لما يتعب ما تهمه غير راحته
....
ألف سلامه على أهلك والله الحال من بعضه عندنا يخف واحد يطيح الثاني
والله يحفظك يارب كثري من الينسون
بس لابد من إنفلونزا على الخفيف تاخذين مناعه لباقي الشتا :)
....
لا خلى ولاعدم من هالتواصل
الذي إلى القلب مباشره
..
في حفظ الله أختي

lil.D يقول...

حمدلله ع السلااااااامة
الزكام صدق قذى! بس عساج ماجوووره ان شالله
والانجكشن احسن حل -ـ- بس في عرب (يمكن مب انا) يتعايزون عن المستشفى لين تستعصي الحاله -ـ- شنووو ذي !


طمنينا!

نهــــــــــار يقول...

lil.D........
الله يسلمج الغاليه ...
هههههه
أكيد أنا من هالعرب شهر ونص مطنشه :)
...
تسلمين الغاليه أنا الحمدلله بخير وعافيه :)
..
وتسلمين عالمرور أختي
في حفظ الله