السلام عليكم ورحمة الله وبركاته
...
كل عام وأنتم بخير
وعساكم من عواده :)
نسأل الله ان يتقبل عملنا
ويجبر ما كان فيه من نقص
وأن يعيد علينا وعليكم
رمضان أعوام عديده
....
وشكرا لكل من ارسل لي في
(تويتر _البي بي _واتس أب)
أو أتصل او ارسل مسج
والسموحه مقصره وياكم
في المدونه وتويتر والإيميل والتيلفون
تم حد مب مقصره معاه :)
بس أكيد مسامحيني (حلوه الثقه)
......
كالعاده الكل مواصل بدون نوم
لغاية أذان الظهر ومن ثم
غيبوبه جماعيه خخخ
...
في العيد كنا إذا وصل مبلغ العيديه
فوق 100 درهم وتحت 200 درهم
يعتبر إنجاز وهذا يأتي بعد تعب وجد وكد
إدور بالفريج وعقب تكمل الفريج الي حذالكم
وعقب تلفلف ويا أهلك على الأهل والنسايب
وفالبيت إتركز على عيدية الوالد والوالده
هي الأساس إلي تبدأ منه يكون المبلغ محترم
المهم نيلس نحسب 110 إلى 150
وتكون أنت الشيخ بين ربعك
ونحب الناس إلي تعطينا خمس (قلوووووب)
حاليا تركض وراه تعطيه العيديه
ويطالعك بنص عين لا والبعض يقولك عندي
وعيديتهم 500 وفوق وهم ماتحركوا من الصاله
ومب عايبنهم
جد جد راحو الطيبين :D
.........
وهذي الحلاوه من ماكنتوش إلي كان يحصلها يعتبر
ذو حظ عظيم
إهداء لسارونه هذي عيديتج واتريا عيديتي
500 ريال سعودي فقط لا غير (وصحن سينبون مجانا)
....
والسلام عليكم ورحمة الله وبركاته
هناك 12 تعليقًا:
فعلا..
"راحو الطيبين"
حلوة مدونتك:)
كل عام وانت بخير
وعليكم السلام..
وكملت معاكي رمضان واقولك كل سنة وانتي طيبة وعساكي من عواده بالخليجية ;)
Timo....
وانت بخير وصحة وسلامه :)
ومرحبا بك دوما
..
في امان الله
amina....
يا حبيبتي كل عام وأنتِ بصحه وسلامه وعساج من العايدين والفايزين يارب
...
سعادة رمضان تكتمل بالتعرف على الصحبه الطيبه مثلكم
منوراني دايما :)
...
في حفظ الله
كل سنة وانتي طيبة:)
شمس النهار ...
وأنت بخير وصحه وسلامه يا أحلى شموسه منوراني :)
كل عام و انتم بخير جميعا.. نهار " بحثت عن وسيلة اتصال خاصة بك , و لكنى لم اجدها " ارجو التواصل معى "ان اردت" :)
Blackmatta...
وأنتِ بخير وصحه وسلامه وعساج من عواده :)
..
بالطبع غاليتي يسرني التواصل معكِ
هذا بريدي الإلكتروني راسليني عليه
alkendi.1@gmail.com
..
في أمان الله
كل سنه وانتي طيبه يا سكر
Kombil....
وأنتم بخير وصحه وسلامه
كل سنه وانتِ طيبه :)
مروه فهمي ...
وإنتِ بخير وصحه وسلامه يا فراشتي :)
إرسال تعليق