الأحد، 19 أغسطس، 2012

تدوينة العيد

السلام عليكم ورحمة الله وبركاته 
...
كل عام وأنتم بخير 
وعساكم من عواده :)
نسأل الله ان يتقبل عملنا 
ويجبر ما كان فيه من نقص 
وأن يعيد علينا وعليكم 
رمضان أعوام عديده 
....
وشكرا لكل من ارسل لي في 
(تويتر _البي بي _واتس أب)
أو أتصل او ارسل مسج 
والسموحه مقصره وياكم 
في المدونه وتويتر والإيميل والتيلفون 
تم حد مب مقصره معاه :)
بس أكيد مسامحيني (حلوه الثقه)

......
كالعاده الكل مواصل بدون نوم 
لغاية أذان الظهر ومن ثم 
غيبوبه جماعيه خخخ
...
في العيد كنا إذا وصل مبلغ العيديه 
فوق 100 درهم وتحت 200 درهم 
يعتبر إنجاز وهذا يأتي بعد تعب وجد وكد
إدور بالفريج وعقب تكمل الفريج الي حذالكم
وعقب تلفلف ويا أهلك على الأهل والنسايب
وفالبيت إتركز على عيدية الوالد والوالده
هي الأساس إلي تبدأ منه يكون المبلغ محترم 
المهم نيلس نحسب 110 إلى 150 
وتكون أنت الشيخ بين ربعك 
ونحب الناس إلي تعطينا خمس (قلوووووب)

حاليا تركض وراه تعطيه العيديه 
ويطالعك بنص عين لا والبعض يقولك عندي 
وعيديتهم 500 وفوق وهم ماتحركوا من الصاله
ومب عايبنهم 

جد جد راحو الطيبين :D
.........

وهذي الحلاوه من ماكنتوش إلي كان يحصلها يعتبر 
ذو حظ عظيم 
إهداء لسارونه هذي عيديتج واتريا عيديتي 
500 ريال سعودي فقط لا غير (وصحن سينبون مجانا)
....
والسلام عليكم ورحمة الله وبركاته 

هناك 12 تعليقًا:

Timo.. يقول...

فعلا..
"راحو الطيبين"


حلوة مدونتك:)
كل عام وانت بخير

amina يقول...

وعليكم السلام..
وكملت معاكي رمضان واقولك كل سنة وانتي طيبة وعساكي من عواده بالخليجية ;)

نهــــــــــار يقول...

Timo....
وانت بخير وصحة وسلامه :)
ومرحبا بك دوما
..
في امان الله

نهــــــــــار يقول...

amina....
يا حبيبتي كل عام وأنتِ بصحه وسلامه وعساج من العايدين والفايزين يارب
...
سعادة رمضان تكتمل بالتعرف على الصحبه الطيبه مثلكم
منوراني دايما :)
...
في حفظ الله

شمس النهار يقول...

كل سنة وانتي طيبة:)

نهــــــــــار يقول...

شمس النهار ...
وأنت بخير وصحه وسلامه يا أحلى شموسه منوراني :)

Blackmatta يقول...

كل عام و انتم بخير جميعا.. نهار " بحثت عن وسيلة اتصال خاصة بك , و لكنى لم اجدها " ارجو التواصل معى "ان اردت" :)

نهــــــــــار يقول...

Blackmatta...
وأنتِ بخير وصحه وسلامه وعساج من عواده :)
..
بالطبع غاليتي يسرني التواصل معكِ
هذا بريدي الإلكتروني راسليني عليه
alkendi.1@gmail.com
..
في أمان الله

Kombil يقول...

كل سنه وانتي طيبه يا سكر

نهــــــــــار يقول...

Kombil....
وأنتم بخير وصحه وسلامه

Marwa Fahmy يقول...

كل سنه وانتِ طيبه :)

نهــــــــــار يقول...

مروه فهمي ...
وإنتِ بخير وصحه وسلامه يا فراشتي :)