بسم الله الرحمن الرحيم
...
أولا قبل كل شي الجزء الأول لقصتي أنا وسارونه
تجدوه هنا
.....
ونعود للجزء الثاني من الرحله
الحمدلله طلعنا من مكه إلى المدينه
وصار لنا سنتين من آخر زياره
يعني ماله داعي أوصف الشعور
أكيد حاسين
وخلال الطريق كتبت هالخاطره
....
طابا وطابت بلقياك أرواحنا
طيبه وفيك طاب مقامنا
يا جابره كسر الحبيب
يا ناصره خير الرسل
عليك من الله السلام
وعلى ساكنك خير البشر
أفضل الصلاة وأتم التسليم
....
وصلنا قبل المغرب بشوي
والحجز كان في شذى المدينه
الفندق شفته بالنت وعيبني وقلت نجربه
الصراحه وايد حلو حق محبين التصوير
والخدمه جيده
الريسبشن مصورتنه من بعيد
اللوبي وعلى اليسار المطعم
جربنا الريوق عندهم جدا متنوع وحلو
عيبني الصراحه بس المشكله بالزحمه ومافي أماكن
الريسبشن الأول في واجهة الباب الرئيسي
لأنه عندهم ريسبشينين
والجدير بالذكر إنه للفندق بابين للوصول للحرم
يا تاخذ إلي على جهة مركز طيبه التجاري ويوديك للباب الرئيسي للرجال
أو تطلع من الصوب الثاني ويطلعك على دار التقوى من الخلف ويوصل لباب الحريم الشرقي
بس نحن فضلنا الباب إلي على باب الرجال الرئيسي لأنه أقرب للحرم
والفندق مش بعيد من الحرم عموما
صور عالسريع
وجد الفندق أحلى مافيه الإضائه الليليه
بس للأسف ما كان عندي وقت للتصوير
الغرف صغيره نوعا ما
ولشخصين يعني لشخصين مافي مجال إكسترا بد
بس الغرف مريحه
عيبتني هالحركه
خاطري اسويها
نزلنا الحرم وكلمة الآنسه سارا
وتواعدنا باليوم التالي :)
الحمدلله تلاقينا قبل صلاة المغرب
وجلسنا عند باب عبدالمجيد
وإتعرفت على صديقات سارا وأمهاتهم
ياربي على الطيبه إلي فيهم جد أخجلوني جدا جدا
وطبعا مامت سارا وأخوات سارا موجودات
وبسوووم العسل وجودي وجنى أكيد :)
المهم صلينا المغرب وبعدها رجعنا للجلوس جنب باب عبدالمجيد
وكل شوي أحد يسأل سارا إنتو وين جالسين
وطبعا هي تقوووول ها نحن جنب وين
الزهايمر بدأ لذلك ذكرت لكم إنا نحن يلسنا عند باب عبدالمجيد
وصلت المعلومه ساروووونه
أجواء حلوه الصراحه الكل تجمع
وسوالف وحركات وسينابون يا جدعاااان
تسلم إيدج سارونه لذيذ الصراحه
ما كأني ذليتج عشان تسويلي إياه
وشربنا قهوة الأميرات من يد صديقة سارا
وياسلام على باقي الأكل والمشروبات ما قصروا الصراحه
وبعدها رحنا انا وسارونه بزياره خاطفه لصديقه لسارا
تشتغل بالحرم
إتعرفت عليها المره الماضيه جد إنبسطة بشوفتها
وتفرقنا بعد أن حددنا موعد بعد إصرار توفي
إني لازم اكل مسحب من البيك
ثاني يوم الصبح سوينا جوله في المدينه
مسجد قباء
مسجد ذي القبلتين
جبل أحد
وهذا مستر راشد طوووووول السفره
وهو يقول لاتصوريني
ورجعنا الفندق لنستعد أنا ومستر راشد للخروج مع سارونه
أقصد ابله سارا >>>خخخخخ الله يستر على طالباتها بس
مرت علينا سارونه معها صاحبتها
ورحنا لنتغدى مع اخوات سارا وصاحباتها
في الراشد :)
مستر يحيى إبن أخ ساره ومستر راشد
في الراشد مول كفو يا بنات إنكم صورتوهم
أتوقع تصوير توتا خخخخ
وأخيرا شفت آنسه توتا والآنسه الحاجه روري
والآنسه سومي
تغدينا من هذا المطعم الخطير
الصور من النت طبعا
لأن الصوره اليتيمه إلي عندنا كنا قضينا على الأكل فيها
ماشاء الله تبارك الرحمن
وهذا هو المسحب
طبعا لما توفي تقولي مسحب على بالي دياي عالفحم
ولما شرحت لي قلت نجتس
المهم طلع شيئ شبيه بالنجتس
وفيه مسحب دياي وروبيان وسمك
..........
تسلمييين سارونه ماقصرتي
لا إنتي ولا أخواتج ولا صديقاتج
جد إستمتعت معاكم جدا خالص أوي وايد بالزاف
ومن ثم رجعنا للفندق عشان خلاص قرب موعد السفر
الفجر طيارتنا
عالعشاء خذت راشد وخذنا لفه عالحرم
وشويت شوبينغ :)
أهم شي تمر العجوه وأنصحكم
بمحل المجدول للتمور بتلاقونه في فندق هيلتون المدينه
وطبعا كالعاده مستر راشد لا تصوريني
بين الروضه وبين ثنايا الحرم
نحتت في ثنايا ذاكرتي الكثير من
المشاعر التي تمدني بالقوه كلما
خبت عزيمتي
هناك حبينا رسول الله
هناك أبي بكر الصديق
هناك عمر الفاروق
فكيف لنا أن نفارق تلك الديار
صعب أن تخرج بسرور
البعد صعب عن مدينة الرسول
ومن مطار المدينه إلى مطار دبي
الصبح يشع نوره
صباحج حب إماراتي
الحمدلله كانت سفره موفقه
بها الكثير من الأوقات التي لا تنسى
لكل من كان معي
أحبكم أهلي أحبكم صحبي
جمعني الله وإياكم في الفردوس الأعلى
.....
وطبعا ألحين الدور عليكم ساره خانوم
يعني أنا ييت مرتين دوركم تيون
وإلا شو رايكم يا جماعه
أنا سرت إلها مرتين وهي ما يتني
الله يحفظك يا اكرم وان شاء الله تكبر بسرعه
.....
إلى اللقاء في رحلات قادمه
في أمان الله
