الأحد، 13 نوفمبر، 2011

bloomsbury's &asha's>>in ABU_DHABI

السلام عليكم ورحمة الله وبركاته
,,,
كل عام وأنتم بخير >>>تو الناس :)
قلت أنفض غبار المدونه شوي
وأنزل تدوينه لذيذه :)
....
كنت في أبوظبي آخر أكتوبر تقريبا
قبل سفر بطوووطه
رحنا بوظبي عشان نكون معاها أكثر وقت ممكن
(الله يحفظج ويرجعج لنا بالسلامه يارب)
وطبعا سوينا شوية شوبينغ
في المارينا مول والخالديه مول مع بطوطه
وسوالف :)
.....
و طبعا
  كانت الآنسه عسكريه موجوده في أبوظبي أيضا
وماقصرت بالطلعات والتمشيه والحركات :)
عسكوووره هانم يزاج الله خير حومبي
...
أول طلعه كانت للوحده مول >>>مع إني عيناويه
ورحنا مكان لذيذ
bloomsbury's
محل للكب كيك الصراحه لذيذ :)
هذا كان طلبي
كب كيك شوكولا وكريمة شوكولا :)
وكابتشينو

 وهذا كان طلب عسكريه
طبعا ذقت كريمة كيكتها لذيذه وخفيفه
وطبعا ماعطيتها تذوق من كيكتي :)


وخذنا هذا للماما وبطوطه في البيت :)
تراميسو
وكب كيك بالتوت
وكب كيك بالفستق
وكب كيك بالفراوله


حبيت الوحده مول هادي ومريح وماشي زحمه
وخذنا آيس كريم بعد حلو
بس في ناس ضيعوا مكان الباركينغ مال السياره :)>>>أبدا مو نحن
MeMo
أظن تعادلنا
المره اليايه نسير ويا بعض وبسج إنتي
وعسكريه من الخيانات
.....
وفي اليوم التالي
  عسكريه عزمتني على الغدا
في الخالديه مول
في مطعم إسمه أشاز
مطعم هندي أكلهم الصراحه ممتاز
بس لا تجربون تطلبون دبل سبايسي >>>كله من عسكريه وهقتنا
لا ومصره الويتر يقول إلها سبايسي عادي أو وسط وإلا دبل
ومصممه على دبل سبايسي
المهم أكلنا ولله الحمد وفي ناس فالليل مرضوا >>>أبدا مب عسكريه
طلبنا كان برياني ربيان وصالونة ربيان 
مع خبز نان وخيار بالروب مع عصير مانجو


 بس سؤال
كم هو المعدل الطبيعي للجلوس في المطعم
لتناول وجبة غداء

ثانكيو حومبي ما قصرتي
عن جد إنبسط معاج وايد
خصوصا صار إلنا فتره ما نشوف بعض شرات الأوادم :)
وطبعا ثااانكس على إنج تعبتي معاي
بين الدوام والجامعه والتمشيه :)
الله يوفقج ويحققلج كل طموحاتج
....
طبعا التصوير بين الكاميرا وبين البيبي
عشان الدي بي :)
أقول لعسكريه قمنا نصور الأكل أكثر عن ما ناكل
من طلع إلنا البي بي :)
صوره لعبت فيها بالفوتوشوب شوي


.........
 بطوووطه إشتقنالج وااااايد
الله يحفظج ويوفقج وترجعين بالسلامه يارب
miss u a lot
.....
في أمان الله

هناك 8 تعليقات:

Butterfly يقول...

ألف هنا وشفا
طب كنت احدفى اى حاجه هنا
ولا اعزمينى اجيلك D:

ازيك يا جميل وحشتينى على فكره :)

نهــــــــــار يقول...

Butterfly........
الله يعافيكِ يا قمر
ههههه لا مش ححدف
لما تنورينا أنا حلففك حته حته :)
...
وإنتي وحشاني جدا يافراشتي
ربنا يباركلي فيكي
..
أستودعكِ الله

~أم حرّوبي~ يقول...

حلوه المدونة من دون غبار هع ^^

بصراااحة شهيتني ابا الكب ككييييك نااايس خصوصا شكل الروز الاحمر اللي اخترتيه

وعاد مايصير تاخذين من ربيعتج وماتخلينا تاخذ كريمتج هههه



والمطعم انا كنت بسوي شرات عسكريه وبطلب دبل سبايسي احب الاكل الحار واكيد العواقب وخيمة لوولل


ووايد حلوه الصورة اول صورة واخر صورة حبيتهم وايد ماشالله حلو شغلج عالفوتوشوب ^^


على فكرة منو عسكرية وبطوطه وميمو ربعج موجودين فالتدوين ولا !!



ويعطيج العافية ^^

Made n Q8 يقول...

تشوق الصور مشالله

عليكم بالعافية

~عذوبهـ~ يقول...

مساء الخير ع الروقان

اكيد الجلسة مع الاهل والصاحبات برا البيت غير شكل ..... ياه

اتمني عودة الامن از سوون الي ليبيا بلدي وتعود ليا طلعاتي ^_^ ونشرب الكافي

نهــــــــــار يقول...

أم حروبي ...
ههههه
تسلمين أم حروبي
أفا عليج خلاص إذا تيمعنا في بوظبي
بوديج وبأكلج من كل شي وبتذوق من كيكتج وما بخليج تذوقين كيكتي :)
....
ثانكس حبيبتي عيونج الحلوه
..
لا للأسف مب موجدين في التدوين بس يتابعوني في المدونه :)
..
إستانست بشوفتج وااااايد
وأنتظري التقرير عن المعرض
إسمج مكتووووب فيه :)
..
في حفظ الله أختي

نهــــــــــار يقول...

Made n Q8.....
الله يعافيج الغاليه
مرحبابج :)

نهــــــــــار يقول...

عذوبه ...
يا مساء الأنوار والنوير :)
...
ياااارب
أن شاء الله تأتي الأيام بخير مما مضى وترجعي لطلعات وأكيد راح تعزميني لما اجيكم ليبيا :)
...
في حفظ الله غاليتي